Барааны тайлбар:

Адал явдалт романы шилдэг зохиолч гэгдэх Майн Ридийн бүтээл туурвилийн эхэн үеийн бүтээлүүдийн нэг “Далайд гээгдэгсэд” роман анх удаа монгол хэлнээ орчуулагдаж, уншигчдын хүртээл болж байна. Тухайн зохиолд ямар ч гарцгүй мэт санагдах хамгийн хэцүү, амь дүйсэн нөхцөл байдалд орлоо ч хүн хамгийн гол нь сэтгэлээр унахгүй байх аваас амьд гараад зогсохгүй, санасандаа хүрч болдгийг харуулжээ. Далайн дээрэмчдийн халдлагад өртөн шатаж сүйрсэн усан онгоцноос амьд үлдсэн цөөн хэдэн хүний амьдрахын төлөөх тэмцэл, байгалийн хатуу ширүүн сорилт, зарим хүний өлсөж ундаассан үедээ хүн хүнээ алж идэхэд хүрч буй зэрлэгшил гээд сэтгэл зүйн нарийн хэлхээсийг сэтгэлд буутал харуулсан гайхамшигт зохиол билээ. Мөн байгалийн юмс үзэгдлийн учир шалтгаан, амьтны аймгийн амьдралын зүй тогтол, янз бүрийн сонирхолтой амьтдын тухай мэдээллийг дэлгэрэнгүй оруулж өгсөн нь тухайн номыг хүүхэд залуучуудын хувьд нэн сонирхолтой болгож өгчээ.

#107